Рәми. Ул хәҙер беҙҙең арала юҡ инде. Берәүҙәргә ул – Рәми, һабаҡташтарына – «бабай», ә беҙҙең өсөн – яратҡан шағир.

18 февральдә халыҡ шағирына 80 йәш тулған булыр ине.

   «Йырын йырлап бөтмәй

   Янды инде

   Яҡты ғүмер – аҫыл шағирҙәр.» -

тип яҙҙы дуҫы, һабаҡташы Т. Йосолов.

   «Моң ҡалдырып китте» исемле музыкаль - әзәби кисә уҡыу залында 11-се кластар өсөн үткәрелде. Йырзары, шиғырҙары аша шағирҙың тормошона, ижадыңа байҡау яҡаныҡ.

   «…Халҡым теле миңә - халыҡ теле,

   Унан башҡа минең илем юҡ.

   Илен һөймәҫ кенә телен һөймәҫ,

   Иле юҡтың ғына теле юҡ.»

   Туған теле, халҡы өсөн шағир янып – көйөп йәшәне. Яҡты доньяла ни бары 45 кенә йәш йәшәп халыҡ күңеленә мәңгелек йыр булып инеп ҡалды.